وَجَعَلْنَاكُمْ شُعُوبًا وَقَبَائِلَ لِتَعَارَفُوا

بسم الله الرحمن الرحيم
"وجعلناكم شعوباً وقبائل لتعارفوا"
سبحان الله
من لحضات كنت تستعد وتتكشخ وروحه للحلاق
والثوب مفصل من أفخم الخياطين
والدقله وريحة العوده دق ملكي
وأحلا تجهيز حتى طلعت قمر 14 بسماء شريكة حياتك
"بسم الله"
أحم أحم
الأب و الأم : الله يوفقك وعساها تكون نظر عيونك طول حياتك
الأخ : جالس ورى بالسياره يتريق أقول: أنتبه إذا أعجبتك البنت "لاتخلي كل هرجك
ماشاء الله ماشاء الله ماشاء الله......وتنسى تتكلم معها
البنت تبغى تسمع منك كلمه تشرح صدرها تأخذ رائيها موافقه والا لا
وأنت ماشاء الله ماشاء الله تقول أنك داخل تقرى عليهم وتطلع<<<<<خخخخخ
العريس : يطالع في أخوه مع المرايه ويغمز له
وش رايك تجي تخطب بدالي والا أقولك أكتب الكلام لي بورقه تقول أني داخل أخطب لصلاة الجمعه<<<<خخخخ والله وناسه هالأخوان
(وصلوا عند باب البيت)
صوت الجرس
العروسه : قلبها يرجف بنبضات سريعه وشعور غريب وإبتسامه ملت حياتها
"آآآآآآآآآآآآآه ياهالشعور" <<<<<<<والله البنات أغلبهم أنظلموا لكن ربي ينصرهم
............المهم...............
أبو العروسه : يا هلا والله أرحبوا يالله حيهم
تفضلوا ... تفضلوا
العريس : رجوله تنافض تقول ماطور يووووووووووه أخبره زمان قريب من بيت جدي بالديره
تسمع صوت رجوله من مسافة 17 متر <<<<<<<<<< خخخخ أمزح
دخلوا المجلس
بسم الله ماشاء الله
العريس : بداء يحس براحه بصدره وده يلم أبوه ويحب رجوله من الفرحه
أبو العروسه : ياربي حيهم والله أنكم نورتم البيت
أبو العريس : الله يسلمك ياأبو فلان منور البيت بأصحابه
أبو العروسه : يقدم القهوه والتمر
وريحة البخور بالمجلس ردة ذكرى أيام العيد زمان
العريس : ذاب وهو لسى ماشاف العروسه ولاكتب الكتاب
أبو العريس : والله يابو فلان جينا وناوين القرب منك أنشاء الله
أنتم ناس يشرفنا لو ناسبناكم ونيتنا نخطب بنتكم فلانه لولدنا فلان
العريس : من الفرحه وجهه سار تسلل <<<<<< خخخخخ
أبو العروسه : حياكم الله والبنت بنتكم ونحن والله لنا الشرف زود
"أكيد من حق أبو العروسه يسئل عن الولد وعن وظيفته و.....الخ"
أبو العروسه : ماقلتلي يافلان وين تشتغل
العريس : طال عمرك أشتغل عسكري بالأستخبارات
أبو العروسه : ماشاء الله تبارك الله ... الله يوفقك ياولدي ويرزقك
"ياولدي تقدر تفتح بيت وتقوم بأحتياجات بيتك وعيالك"؟
العريس : طبعن إذا كان ملسن يعني يرد بردود تشفي الروح
أكيد بيكبر بعين أبو العروسه
وإذا كان جاء يبغا يخطب حبيبته
هاتك يالكلام المعسول
:والله ياأبو فلان
بنتك إذا ماشالتها الأرض تشيلها عيوني وإذا كتب الله وخطبتها
بأذن الله ماأخليها تشكي الضيم دامني عايش وعيني تروي شوفها وشوفكم بجنبها
أبو العريس : بينه وبين نفسه أخس ياولدي والله أثاريك شاعر
ماشاء الله عليك
أبو العروسه : الدنيا ماتكفيه من الفرحه زوج بنته ماشاء الله رجل ذرب وينحط على الجرح يبرى
أنا أشهد أن أبوك خلف وراه رجال نفتخر يوم نحطه تاج على الراس
أبو العريس : إذا تسمحلنا يأبو فلان نبغى الولد يشوف بنتكم ويأخذ رئيها ومنها بنتكم تشوف الولد
وإنشاء الله إننا ماشين على الكتاب والسنه
أبو العروسه : أبشروا والله البنت أنشاء الله أنها بنتكم لحضات أشوف الطريق للعريس
العريس : بينه وبين نفسه يكلم أخوه "كيف ريحة العوده حلوه<<<<<<خخخخخخ الله يرجك ياهالعريس
أخو العريس : فهم نظراته وقعد يبتسم ويرد عليه بصمت شكلك ماخليت شيء بالعوده
أتوقع أنك فشخت العربيه وخلية العود هههههه يقصد "العربيه للعود" فهمتوها خخخخ الله يرجهم
أبو العروسه : تفضل يافلان
العريس : أنا ههههه "لاياشيخ أجل مين" يقوم وكأنه طالع من حرب ومنتصر
أبو العريس : يدعي الله أنه يوفقهم ويسعدهم
بسم الله ماشاء الله
دخل العريس على العروسه
السلام عليكم
العروسه : قلبها تقول ماكينة مرسدس ونظراتها بالأرض تقول أنها تصلي<<<آه يالخجل
العريس : يافلانه يهمني أسمع رائيك أنا فلان وهذا شكلي وكلي قدامك
العروسه : بداخلها والله أني أبيك ولو فيك عيوب الدنيا كلها "أحبك واللي مجنني فيك أثبتلي
صدق كلامك وجيت وخطبتني ...ياحبي لك يافلان..." وش أبغى أكثر من هالجمال والله أني أشوفك بجمال يوسفي
والله أني كنت منتظرتك طول عمري
وكنت مستعده أنتظرك العمر كله
وأخيراً العريس سمع صوتها
أيه موافقه
العريس : بينه وبين نفسه (فديت الخجول بصوته المشحوب)
يعني خلاص نتصل بالمملك؟
"العروسه": بينها وبين نفسها (لارسله كولمي ,,,,ياحبي لك وحبي لأسئلتك)
أيوه تقدر تتصل عليه
أبو العروسه : يطالع العريس "ويقوله بصمت ياأبو الشباب أنتهى الوقت" ههههههه
العريس : والله عارف أني زودتها "بس مافي وقت بدل ضايع" ههههههه
ويفتهم العريس ويوقف
العروسه : لا ياحبيبي مامليتك شوف أقعد لاتروح أنا ماصدقت أشوفك أنت من بين العالم كلها تكون
بجنبي ...خليك لاتروح...
العريس : يارب قدرني وأسعد هالحوريه وأحافظ عليها وأصونها
قبل لايطلع مع الباب
"أنفجر بركان بقلبه"
حتى توصلها كلمة أحبك

ابو العريس : الو
..... : ايوا هلا من معي
أبو العريس : السلام عليكم ورحمة الله ..الشيخ فلان؟
..... : أيوا معك هلا بأيش أقدر أخدمك
أبو العريس : الله يحفظك نبغى نعقد القران وياليت تجينا بالحي الفلاني وإذا قربت من البيت أحنا نجيك
الشيخ : الله يوفقهم يارب خلاص أنشاء الله على صلاة المغرب نتقابل بالمسجد اللي بالحي
أبو العريس : وهو كذلك بارك الله فيك مع السلامه
.................
تم عقد القران
وتم الزواج الحمد لله
.................................................. ..
طوينا صفحة
بدينا صفحه جديده
وفيها كم نصيحه للعريس والعروس
...............
أنت يالعريس تتذكر
لم رحت تخطب
وتتذكر أستقبالهم لك
بالعود والقهوه والمحبه والجود والكرم
اللي أبغا أقوله لك:
رد هالجميل لهم
ولو بأوقات متفاوته
زورهم بالأسبوع أو كل بعد أسبوعين
أجمع بين الأم وبنتها مره ثانيه
فرحهم أسعدهم
أرسم أبتسامتهم
لاتخلي الأم وبناتها يفقدونها لدرجة أنهم يبكون بسبب طول الفتره عن شوفها
إذا جيت بيت أهل زوجتك
لاتجي ويدك فاضيه
أشتري لهم هدايا مره ومره ثانيه مثلاً أشتري لهم فواكه أو تموين البيت يعني حاول ولو تخفف من عبئ البيت عن أهله ولو بشيء بسيط
وإذا أحد كان محتاج فلوس مد يدك وساعده باللي تقدر عليه
أبو زوجتك أعتبره أبوك وصديقك بنفس الوقت
إذا جيت تسلم عليه
حسسه بكبر شأنه ومقامه
حب يده وراسه ولو تقدر تلمه لصدرك لمه
فعلاً محبه تجبر العين تهل دمعة الفرحه
"خلهم فعلاً يحسون أنك سرت منهم وفيهم" مايقدرون يستغنون عنك بحياتهم
صدقني
وبكل تأكيد
مثل مايشتاقون لبنتهم حيشتاقون لك أنت كمان
تدري ليه؟
لأنك سرت من لحمهم ودمهم
أهتم فيهم
زوجتك إذا عندها أخوان
شدد علاقتك بأخوانها
خلاها علاقه قويه متينه علاقة ميانه مزح وضحك ولعب وجد بنفس الوقت
لم تخاف على أخوان زوجتك
تأكد أنك تزرع الأمان بقلب زوجتك
ويوم تكون زوجتك عندها أخ صغير
يعني من 3_9 سنوات
تكون متعلقه فيه
فياليت لو تجمهم كل أربعاء أوخميس بالشهر مره أو مرتين
وتطلعون ثلاتكم بمدينه ترفيهيه
ولو تنسق مع العائله كمان بالشهر مره
يطلعون أهلك وأهل زوجتك
حتى تلم الشمل
وتزرع المحبه بينهم

فتأكد تماماً
كل اللي حولك
مارح يملكون الشجاعه
ويفقدونك ولو لحضه
لأنك بأذن الله حتكون الشخصيه الأساسيه
اللي مايقدرون يتخلون عنها

................................................
جاء دورك
يالعروسه
شفتي أتصالاتك على أم العريس أيام الخطوبه
ورسايلك مع أخت العريس
لاتقطعينها
بعد الزواج
أستمري بالوصل
كوني السباقه بالخير
أم زوجك هي أمك اللحين
يعني الجنه تحت أقدامها
حبيها أدعيلها وأدعي لزوجك ولأهلك بصلاتك
قومي بواجب بيتك وأهتمي بأم زوجك
حتى تكسبين محبة زوجك كثر ماهو يحبك
وتكبرين بعين أمك الثانيه
لاترفعين بيوم صوتك عليها أو ترفضين لها طلب لأنها أمك والله بيسئلك عنها يوم القيامه
إذا جيتي تنادينها "لاتنادين ياعمه"
لا
ناديها "يايمه"
تأكدي أن كل اللي حولك من زوجات وأمهات حيأخذونك قدوه لهم بأخلاقك وسعة صدرك
إذا الله رزقك بوضيفه
"لاتبخلين على أهل زوجك بشيء"
أشتري مثلاً هديه لأخت زوجك
ومثلاً أقمشه لأمك الثانيه
وعوده لأبو زوجك
خليهم يذكرونك بالخير
حتى بغيابك
وشوفي وشلون حيحبونك
"حيحبونك أكثر من ولدهم"
تدرين ليه؟
لأنك حسستيهم أنك بنتهم وأنك تحبينهم غصب عن اللي مايرضى
وسرتي جزء لايتجزء من حياتهم
وش اللي جزء الا سرتي شمعة بيتهم
ولو بيوم سار خلاف لاسمح الله بينك وبين زوجك
تأكدي أول من يوقف معك ويساندك ويحافظ عليك
هم أهل زوجك
والله يديم هالمحبه بينكم
ولايفرقكم

.......................................
وقفه
"كم مره تخيلت قبل ماتنام تجلس معها على البحر أو تجلس وراسها على صدرك وتمسح على راسها وتسمعها أجمل آهاتك
وتتخيل أنك تلعب معها أو تمازحها أو تأكلها بيدك أو أو أو .........الخ"
أشياء كثير جالت ودارة ببالك قبل الزواج
اليوم جاء وقتك
وتنفذ كل اللي تخيلته
اليوم
كل اللي تمنيته طبقه لعيونها وبعدها نام وأنت مرتاح
رسايل الحب لاتضيع بعد الزواج
بالعكس
ضاعفها
كلام الغزل
لاتفقده
وأنت جاي من العمل
لاتنسى تمر محلات الورد
وتأخذ معك بوكيه ورد
"وتهديها" بكل حب وأحترام
بأيام الخميس أو الجمعه
خصص لها فتره
وأعزمها على أفضل المطاعم
تغزل فيها
دلعها
دللها متعها
"ولاتسمح لأي أنسان ومهما كان"
يدخل بينكم
وماأجمل لو رافقتها نفحات أيمانيه
لتنعم عليكم راحة البال وسعادة الحياه الزوجيه

بأوقات الفجر
آآآآه يازيارة مكه للعمره
خذها معك لمكه ضمها لأحضانك وأدعي الله أن يحفضها لك ويجعلها ماتشوف غير السعاده بحياتها
حب راسها ويدها
وأهمس بأذنها أحبك
خلها تحس بالأمان بقربك
خلها إذا جت تبكي
تبكي من محبه ماتبكي من خوف وظلم
"لو قدرت تستأجر"
من الفندق المواجه للحرم ولو ساعه
أستأجر
حاول تغير جوها أول بأول
وأرخص كل غالي لخطوتها ولسعادتها
وأنتي يالزوجه
لاتنامي بيوم وزوجك زعلان منك
دامه وفر لك كل شيء من غير ماتطلبي
حاولي تكوني الأفضل
وإذا ماوفر لك الأشياء اللي تبغينها
أو تتمنيها
قدري ظروفه
ووظعه
ممكن تواجهه ظغوط ماديه
أو ظغوط نفسيه
زوجك محتاج بكل ثانيه وقفتك جنبه
جمعي فلوس أرجعي لأيام زمان "إذا ماكنتي متوضفه"
أشتري لك حصاله
وجمعي فيها فلوس
ريال على خمسه على سبعه على عشره على اربعه على على على على....... حتى سارت 200 أو 400
أشتري هديه لزوجك
وأعزميه على عشاء أو غداء
أو أشتري له قماش فاخر
أو أي شيء يدل على أنك تحبينه مثل ماهو يحبك وأكثر
وإذا كنتي متوضفه
تناوبي معاه وأتفقي معاه وساعديه بمصاريف البيت "لاتنسين وش كثر شايل حمل ثقيل بس مافكر بيوم يقصر عليك بشيء"
لو الكل وقفوا بوجه زوجك لأي سبب كان
الآ أنتي لاتوقفي معهم بوجهه
خلك بجنبه ولاتتخلين عنه مهما سار
لو المقابل حياتك ولايغيب أنك كل يوم تقولين له كلمة أحبك
وحصني بيتك وزوجك بالمعوذات
وصلاتك صلاتك
وأبشري بسعاده ومعنى الحياه الزوجيه على أصولها
بأذن الله ماتشتكين من سوء معامله أبد
وخذيها قاعده
أنك أنتي أمه وأبوه وأخوه وصديقته وزوجته

"وآخيرً ليس آخرً"
رضا الله من رضا الزوج

(نصيحه ثنائيه)